Kali精选今年E3十大游戏(上)

2020-06-07 浏览量: 626

Kali精选今年E3十大游戏(上)

今年度嘅E3话咁快又结束喇,预告嘅新游戏排山倒海咁出,真係令人越睇越兴奋,但与此同时心情亦开始有啲忐忑不安,只只都想玩……边玩得切咁多吖?唯有拣选最有份量嘅嚟玩啦,Kali就喺呢度就同大家分享2015年度E3嘅十大心水选择。

Kali精选今年E3十大游戏(上)

《Rainbow Six : Siege》 

首先讲讲由Ubisoft发行嘅Tom Clancy系列新作《Rainbow Six: Siege》,相隔多年再推出,成个感觉同旧作截然不同,事关驱动游戏核心嘅游戏引擎,唔再用过往用开嘅Unreal Engine,取而代之换上Ubisoft自家製作嘅AnvilNext Engine,以往大地图益晒camper,今集主力超细地图玩肉搏战Close Quarter Battle,仲要有得玩爆破,爆墙爆天花去突袭,新科技装备赋予玩家先视察环境后再作策略调动,呢种玩法可以製造更多可能性,比玩家更灵活利用唔同机会突破攻点,而较细嘅室内环境对战上节奏可以快嘅啲,啱晒锺意玩速战嘅玩家,不过5打5就要先拣好队友再玩,呢只游戏好讲求Teamwork,拣错「猪一样的队友」,小心叫佢补枪时,佢走咗去话等埋发叔先开枪就喊都无谓了…

发售日期:13-10-2015

Kali精选今年E3十大游戏(上)

《Star Wars: Battlefront》 

EA旗下DICE以Frostbite 3製作嘅星球大战,预计例牌可以吸引大量星战迷外,EA亦寄予厚望能引起更多喜欢科幻射击嘅玩家们产生兴趣,星战嘅招牌元素R2D2、激光剑、DC-15 Blaster Rifle等等当然一样野也不能少,一幕以飞船放绳绑跌机械骆驼AT-AT嘅片段更已经绑埋唔少Fans嘅心,有玩开《Battlefield》嘅朋友应一眼就睇得出《Star Wars Battlefront》用上Frostbite引擎,佢嘅online对战完全秉承咗《Battlefield》喺大地图战地对战嘅迫力,但换上激光剑影、 陆上步行机械人大战、再加天上X翼飞船互相追逐等等...可以想像今次online mode嘅热闹紧张又令人投入星战嘅完全感受,呢只真係应该无得输!

发售日期:17-11-2015

Kali精选今年E3十大游戏(上)

《Fallout 4》 

Bethesda重鎚出击发布会全聚焦喺《Fallout 4》之上,可想而之对呢只游戏极度重视!以呢类post apocalyptic后末世式retro futurism嚟讲,《Fallout》绝对係个中佼佼者,新一集玩法似乎更加比以往多元化,可自设主角样貌、起基地砌屋仔、50种基本武器700几种唔同嘅组装、净係呢啲都有排玩,事实上《Fallout》系列一直以来都係元素非常丰富嘅游戏!最近重免费推出ios游戏app《Fallout Shelter》引你入局玩完自自然然更加想玩《Fallout 4》, 请君入瓮呢招就够绝!由2077年核爆后200年,主角同家人喺地底Vault111甦醒后,地球已经变咗怪兽乐园,唔知主角带住只醒目又忠心嘅狼狗点样生存呢?

发售日期:11-10-2015

Kali精选今年E3十大游戏(上)

《Halo 5: Guardians》 

Microsoft独佔《Halo》系列由《Halo Reach》开始加上loadout技能后,到343 industries将《Halo 4》上嘅loadout加以改良,以前两集玩家只能拣一样技能,《Halo 5》将攀爬、落地重击、奔走跑跳等技能集于一身,令游戏更着重玩家嘅技术同反应,《Halo 5》主力武器上调校亦更加仔细,DMR远射较仔细,Battle Rlife 中距离较为powerful,作为Halo迷嘅玩家,Kali极期待对战模式!

发售日期:27-10-2015

Kali精选今年E3十大游戏(上)

《Uncharted 4: A Theif's End》 

Sony独佔嘅第三身动作解谜游戏《Uncharted 4》由Naughty dog製作,绝对有品质保証,新一集画面色调上比上集更加鲜豔,片段中主角动作似乎比上集灵活,新一集亦有好多载具上嘅运用,有唔少人除咗期待佢故事模式外,亦期待对战模式,又係嘅,《Last of Us》个对战模式做得出乎意料之外咁出色,希望Naughty Dog将《Uncharted 4》嘅online mode会更加正啦! 

发售日期:2016年

Kali精选今年E3十大游戏(上)

上一篇: 下一篇:

相关推荐